Ахмет Байтұрсынұлының туғанына — 150 жыл толуына байланысты ашық сынып сағаты өтті
Бауыржан Момышұлы атындағы Алматы республикалық «Жас ұлан» мектебінде Ахмет Байтұрсынұлының туғанына — 150 жыл толуына байланысты 3 рота, 1 взвод тәрбиеленушілерімен ашық сынып сағаты өтті.
2022 ж 03 қараша күні 3 рота 1 взвод жетекешісі қазақ тілі мен әдебиеті пәні мұғалімі, педагог- шебер Тлеуова Гаухар Дархановна «Ахмет Байтұрсынұлы — ұлт ұстазы» деген тақырыпта сынып сағатын өткізді.
Мақсаты: қазақ халқының әлеуметтік саяси, мәдени, тарихи өмірінде орны ерекше тұлға – Ахмет Байтұрсынұлының халықтық тәлім- тәрбиелік ойларының негізінде ұландардың бойына адамгершілік, ұлтжандылық, отансүйгіштік қасиеттерді дарыту, ақын , қоғам қайраткері, педагог-ұстаздың құнды мұраларын дәріптеп ,жас ұрпақты ұлттық рухта тәрбиелеу.
Сынып сағатында ұландар 4 топқа бөлініп , әр топ ақын, жазушы, қоғам қайраткері Ахмет Байтұрсынұлының өмірі мен шығармашылығы бойынша білімдерімен сайысты. Дәуірдің жарық жұлдызы, ұлттың ұлы ұстазы саналатын Ахмет Байтұрсынұлы – қазақ әліпбиінің алғашқы авторы, «Қырық мысал», «Маса» шығармалары туралы Азан Жанкелді, Байман Айдар, Жолдан Рамазан, Жұмабай Мейіржан, Кәрімбек Мансур, Өмірзақ Нурислам, Өмірбек Диас,Сакадиев Шыңғыс, Жиенбаев Асылбек, Надирбеков Айбек , Серғазы Айдарбек берілген тапсырмалар бойынша өз ойларын жүйелі дәлелмен нақты және өлеңдерін жатқа айта білді.
Ашық сынып сағаты жоғары деңгейде өтті. Ұландар сабаққа белсенді қатысты. Мұғалім «Білімді ұрпақ, бәсекеге қабілетті ұрпақ – ұлт келешегі» дегендей білім алудан, үйренуден, ізденуден еш уақытта жалықпаңдар деп сынып сағатын аяқтады.
