2022 жылдың 14 -18 қараша аралығында Бауыржан Момышұлы атындағы Алматы республикалық «Жас ұлан» мектебінде «Математика — шексіз әлем» атты математика апталығы өтті.
Апталық мақсаты: жаңа инновациялық технологияларды тиімді пайдалана отырып, оқушылардың математика пәніне деген қызығушылықтарын арттыру, ойы терең, шығармашыл тұлға тәрбиелеу. Апталықтың мақсаты мен міндеттері нақтыланған соң, аптаның әр күні біздің оқытушылар ашық сабақтар мен бірқатар сыныптан тыс іс-шаралар өткізді.
«Математика — шексіз әлем» математика пәні апталығының ашылуы мектеп фойесінде салтанатты түрде өтілді. Ашылу салтанаты барысында «Математиканың әскери өмірдегі маңызы» атты жобасын ұландарымыз Нұрадил Ақылбек пен Жұмабай Мейіржан таныстырды. Сондай-ақ ұландарға арналған математикалық викторина ұйымдастырылып, дұрыс жауап берген тәрбиеленушілерге сыйлықтар табысталып , математика аптылығының басталғанымен және осы апталық барысында өткізілетін іс-шаралармен таныстырылды. Осы күні 10 «Ж» сыныбымен Шолпан Мұзартбекқызының «Тригонометриялық теңдеулер және олардың жүйелерін шешу әдістері» тақырыбында ашық сабағы өткізілді.
Екінші күні ұландарымызға арнайы ұйымдастырылған «Ойындар алаңы» атты бас қосуда шахмат, нарды, тоғызқұмалақ және русское лото ойындары еркін форматта өтіп, ұландарымыздың пәнге деген қызығушылықтарын арттырды.
Үшінші күні 10 «З» сыныбымен Гүлжахан Рысалдиновна «Тригонометриялық теңдеулер және олардың жүйелерін шешу әдістері» тақырыбында ашық сабақ өткізіп, оң бағасын алды. Сонымен қатар сол күні дәстүрлі түрде өткізілетін «Кубик-Рубик» жарысы барысында:
- I орын – 10 «Б» сынып ұланы Жетписбаев Бахытжан (39 сек)
- ІІ орын – 10 «Л» сынып ұланы Байгараев Руслан (40 сек)
- ІІІ орын — 10 «Д» сынып ұланы Жолдан Рамазан (42 сек) иеленді.
Төртінші күні 10 «К» сыныбымен Шолпан Қосболқызының «Тригонометриялық теңсіздіктерді шешу» тақырыбында ашық сабақ өткізілді. Осы күні «Миллион кімге бұйырады?» сыныптан тыс іс-шарасы өткізіліп, жарысқа әр сыныптан 2 ұланнан қатысып, 3 ұланымыз жақсы ойын көрсете білді. Олар: 10 «В» сыныбынан Турабеков Бексұлтан, 10 «А» сыныбынан Расбеков Архат және 10 «З» сыныбынан Бектасов Шыңғыс.
Математика апталығының қорытынды іс-шарасы түрлі номинацияларда жеңіске жеткен ұландарды марапаттау салтанатты концертімен тәмамдалды. Бұл іс-шара ұландар арасында да, мұғалімдер арасында да оң бағасын алды.
Орыс тілі мұғалімі Бахытгуль Ганиевна өз алғысын білдіріп: «Сыныптан тыс іс-шараларды өткізуді атап өткім келеді: «Миллионды кімге бұйырады?», «Кубик-Рубик»,»Русское Лото » ойыны. Бұл процесте оқушылар қызығушылық танытты, барлығы іс-шараларға қызығушылықпен қосылды, немқұрайлылық болмады. Пән апталығының барлық іс-шаралары жақсы деңгейде өткізілді. Математикалық шоу — бағдарламада аптаның қорытындысы бойынша ең белсенді қатысушылар мен конкурстардың жеңімпаздары грамоталармен және сыйлықтармен марапатталды».
