Мемлекеттік мекеме қызметінің мақсаты Қазақстан Республикасының азаматтарына мемлекеттік жалпыға міндетті білім беру стандарттары шегінде тегін негізгі орта, жалпы орта білім алу құқығын және мүмкіндігін беру болып табылады.
Міндеттері:
1) ұландардың негізгі орта, жалпы орта білім алуы үшін қажетті жағдайлар жасау, кейіннен әскери оқу орындарына оқу үшін жіберу;
2) бейіндік пәндерді: математика, физика және әскери даярлық, сондай-ақ ұлттық және жалпыадамзаттық құндылықтар, ғылым мен практика жетістіктері негізінде тұлғаны қалыптастыруға, дамытуға және кәсіби қалыптастыруға бағытталған күшейтілген дене даярлығын тереңдетіп зерделеу;
3) қазақстандық патриотизмді, Қазақстан Республикасының Мемлекеттік рәміздеріне құндылық қатынасын тәрбиелеу;
4) ұландарға жоғары адамгершілік, моральдық-еріктік және психологиялық қасиеттерді сіңіру;
5) ұландарға құқықтық тәрбие беру, құқықтық сананы, жоғары құқықтық мәдениет пен тәртіпті қалыптастыру;
6) болашақ офицердің жоғары рухани және адамгершілік мәдениетін қалыптастыру мақсатында ұландардың эстетикалық дамуы;
7) салауатты өмір салтына, дене бітімін жетілдіруге қажеттілікті тәрбиелеу;
8) мемлекеттік мекеменің дәстүрлерін қалыптастыру және дамыту;
9) әскери оқу орындарында оқу үшін ұландарды даярлау мақсатында әскери-кәсіптік бағдарлау;
10) оқу жоспарлары мен бағдарламаларын әзірлеу, оларды білім беру саласындағы уәкілетті органмен келісу және әскери білім мен ғылым мәселелеріне жетекшілік ететін уәкілетті органның құрылымдық бөлімшесінде бекіту.
