Оқытушылар құрамы, тәрбиеленушілер мен қонақтар Кеңес Одағының Батыры Бауыржан Момышұлының ескерткішіне гүл шоқтарын қойды, оның есімін мектеп 1991 жылдан бері мақтанышпен айтып келеді.
Салтанатты шараға Құрлық әскерлері Әскери институтының бастығы полковник Бауыржан Ибатулин, Десанттық-шабуылдау әскерлері қолбасшысының орынбасарлары полковниктер Мақсұт Гусейнов пен Раджан Жанысов, Ұлы Отан соғысы мен Қарулы Күштердің ардагерлері қатысты.
Қонақтар үшін мектеп тәрбиеленушілері Александр Бектің «Волоколамское шоссе» повесі бойынша театрландырылған қойылым ұйымдастырды. Сарбаздар шатырында дала асханасының көмегімен дайындалған тағам ұйымдастырылды. Мектептің шығармашылық ұжымының орындауында Ұлы Отан соғысы жылдарындағы әскери-патриоттық әндер мен музыкалық шығармалар шырқалды.
Бұл күні біз Ұлы Отан соғысы жылдарында Отанын қорғаған жауынгерлерді еске алғымыз келеді. Бұл сондай-ақ біздің еліміздің тәуелсіздігін қорғауда тұрған барлық әскери қызметшілердің мерекесі. Әрине, бұл қиын жолды өздері үшін таңдаған болашақ Отан қорғаушылар-ұландардың мерекесі, — деді Бауыржан Момышұлы атындағы Алматы Республикалық «Жас ұлан» мектебінің бастығы полковник Нұрлыхан Ерекешов.
Мерекелік және естелік іс-шараларды өткізу болашақ ұрпақты тәрбиелеу үшін қажет. Олар ұрпақтар сабақтастығы жүйесін құруға мүмкіндік береді, әскери дәстүрлер мен рухани-адамгершілік құндылықтарды сақтауға мүмкіндік береді.
