Әскери қызметшілерге жауапкершілік жөнінде жеткізілді
Бауыржан Момышұлы атындағы Алматы республикалық «Жас ұлан» мектебінде 2021 жылдың 5-14 сәуірі аралығында «Әскери антқа адал бол!» онкүндігі өткізілді.
Онкүндік аясында 10 сәуір күні Алматы гарнизоны Әскери полиция жасағының өкілі әділет капитаны Рауан Саурық жеке құрамға «Қылмыстық құқық бұзушылықтарды жасағаны үшін әскери қызметшілердің жауапкершілігі» тақырыбында дәріс өткізді.
Шараның негізгі мақсаты – қоғамда кездесетін түрлі қылмыстардың алдын алу, әскери қызметшілер арасында кері ықпалын тигізіп жатқан жат қылықтар мен әрекеттер, сыбайлас жемқорлық деректерінің алдын алу мен жолын кесуге, сыбайлас жемқорлыққа қарсы мәдениетті қалыптастыруға бағытталған ақпараттық және түсіндіру жұмыстарын жүргізу және сыбайлас жемқорлық туралы кең көлемде мағлұмат беру және сақтандыру. Сонымен қатар жасалынған қылмыстар үшін қолданылатын жазаларды ұғындыру.
Мектеп жеке құрамына ақпараттық түсіндіру жұмыстарын жүргізген заң өкілі Қазақстан Республикасында қолданыстағы заңдар мен әскери Жарғы талаптарын орындаудың маңызды екенін айта келе, қылмысқа барған адамдарды тәртіпке шақыру мақсатында қолданылатын жазалар туралы айтты.
Әділет капитаны Рауан Саурық сыбайлас жемқорлық оқиғаларын болдырмау мақсатында «Сыбайлас жемқорлық туралы» Қазақстан Республикасы Заңының баптарынан үзінділер келтіріп, сыбайлас жемқорлықтың алдын алуға бағытталған дәріс оқып, заң бұзушылық фактілерден нақты деректер келтіріп, профилактикалық іс-шаралар жүргізді.
— Сыбайлас жемқорлық — бүгінгі қоғамдағы ең белең алған күрделі мәселелердің бірі. Ол ешкімге де абырой әкелмейді. Сондықтан да тура жолдан таймай, елімізге адал қызмет етейік, — деді әділет майоры Рауан Саурық.
Шара барысында дәріс жүргізуші республикамызда болып жатқан сыбайлас жемқорлық құқық бұзушылықтар және олардың себеп-салдары туралы айтып, сыбайлас жемқорлық құқық бұзушылықтардан статистикалық мәліметтер келтіріп, сыбайлас жемқорлықпен күрес саясаты туралы, сыбайлас жемқорлық фактілеріне тосқауыл қою мен әрекет ету жолдарын мектеп жеке құрамына толық түсіндірді.
Дәріске қатысушылар санитарлық нормаларды толық сақтап, дәріс барысында бейнероликтер көріп, өздерін толғандырған сұрақтарын қойып, оларға толыққанды жауап алды. Бұл шараға 22 әскери қызметші қатысты.
